काठमाडौं । प्रधानमन्त्री पुष्पकमल दाहाल ‘प्रचण्ड’ ले जिबी राईलाई अघिल्लो सरकार र प्रधानमन्त्रीले भगायो भन्नु बेतुकका तर्क रहेको बताएका छ। आइतबार अपराह्न भरतपुर विमानस्थलमा पत्रकारहरूसँग कुराकानी गर्दै प्रधानमन्त्री दाहालले उक्त आरोप वाहियात कुतर्क रहेको भन्दै खण्डन गरेको हो ।
प्रधानमन्त्री दाहालले उपप्रधान तथा गृहमन्त्री रवि लामिछानेले शनिबार चितवनमै दिएको अभिव्यक्तिप्रति लक्षित गर्दै कुतर्क कसैले पनि गर्न नहुने बताए। उनले भने, ‘वाहियात कुरा हो त्यो, कुतर्क कसैले पनि गर्न हुँदैन। जिबी राईलाई ल्याउनपर्छ भन्ने कुरामा सरकार प्रष्ट छ, त्यो पासपोर्टको इस्युले गर्दा अलिकति समस्या भएको छ। त्यसलाई हल गर्न खोजिँदैछ।’
जिबि राईलाई अघिल्लो सरकारए भगायो, प्रधानमन्त्री र अघिल्लो गृहमन्त्रीले भगायो भन्नु बेतुकका कुतर्क नगर्न उनले आग्रह गरे। संकटग्रस्त सहकारीबारे अध्ययन गर्न समिति बनाउन सकिने समेत प्रधानमन्त्री दाहालले प्रतिक्रिया दिएका छन् ।
