उनलाई टेलिग्रामसँग सम्बन्धित मुद्दामा पक्राउ गरिएको फ्रान्सेली अखबारहरुलाई उद्धृत गर्दै समाचार संस्था रोयटर्सले लेखेको छ । डुरोव रूसी-फ्रान्सेली अर्बपति हुन् । उनको पक्राउपछि फ्रान्सस्थित रूसी राजदूतावासले तत्काल समन्वय गर्ने भनेको रूसी समाचार संस्था तासले उल्लेख गरेको छ ।
पक्राउ परेका डुरोवमाथि आइतबारदेखि अनुसन्धान सूरू गरिने बताइएको छ । युरोपेली मुलुकहरूमा टेलिग्राम अझै लोकप्रिय छ। अहिलेसम्म यसका १ बिलियन नजिक प्रयोगकर्ताहरू रहेको बताइएको छ । टेलिग्राम फेसबुक, युट्युब, व्हाट्सएप, इन्स्टाग्राम, टिकटक र विच्याट पछिको प्रमुख सामाजिक सञ्जाल प्लेटफर्महरूमध्ये एक हो ।
डुरोव पक्राउ परेकोबारे टेलिग्रामले भने अहिलेसम्म केही बताएको छैन ।
