जेनिभा । स्विट्जरल्याण्डमा आयोजित ‘समिट अन पिस इन युक्रेन’ को संयुक्त वक्तव्यबाट भारतले आफूलाई अलग गरेको छ।
शिखर सम्मेलनको अन्तिम दिन, भारतीय विदेश मन्त्रालयका सचिव पवन कपूरले भारतको अडान स्पष्ट गर्दै भने, ‘शिखरमा हाम्रो सहभागिता र सबै सरोकारवालाहरूसँग निरन्तर संलग्नताको उद्देश्य संघर्षको स्थायी समाधान अगाडि बढ्ने बाटो खोज्ने हो। यस सन्दर्भमा धेरै विचार र विकल्पहरू बुझ्न आवश्यक छ। हामी विश्वास गर्छौँ कि दुवै पक्षलाई स्वीकार्य विकल्पहरूले मात्र दिगो शान्ति ल्याउन सक्छ। यसलाई ध्यानमा राखेर हामीले संयुक्त वक्तव्य वा शिखर सम्मेलनबाट जारी हुने अन्य कुनै दस्ताबेजबाट आफूलाई टाढा राख्ने निर्णय गरेका छौँ।’
