काठमाडौं । दुर्गा प्रसाईंलाई तीन दिन हिरासतमा राखेर अनुसन्धान गर्न काठमाडौं जिल्ला अदालतले अनुमति दिएको छ। साइबर अपराधसम्बन्धी विषयमा अनुसन्धानका लागि साइबर ब्युरोको टोलीले उनलाई सोमबार भक्तपुरस्थित निवासबाट पक्राउ गरेको हो।
साइबर ब्युरोले पक्राउ गरेपछि प्रसाईंलाई अदालतमा उपस्थित गराइएको थियो। अदालतले उनलाई दुर्गा प्रसाईंलाई तीन दिन हिरासतमा राखेर अनुसन्धान गर्न अनुमति दिएको हो।
प्रहरीका अनुसार प्रसाईंमाथि साइबर अपराधसम्बन्धी विषयमा अनुसन्धान भइरहेको छ। अनुसन्धानका क्रममा प्रहरीले आवश्यक प्रमाण तथा सम्बन्धित विषयमा सोधपुछ गर्ने जनाएको छ।
यसअघि पनि प्रसाईं विभिन्न मुद्दामा पक्राउ पर्दै आएका थिए। पछिल्लो पटक साइबर अपराधसम्बन्धी विषयमा अनुसन्धान अघि बढाउन उनलाई पक्राउ गरिएको प्रहरीले जनाएको छ।
अदालतबाट अनुमति पाएसँगै प्रहरीले तोकिएको अवधिभित्र अनुसन्धान प्रक्रिया अघि बढाउनेछ। अनुसन्धानबाट प्राप्त तथ्यका आधारमा थप कानुनी प्रक्रिया अगाडि बढाइने प्रहरीले जनाएको छ।
