काठमाडौँ | त्रिपुरेश्वरमा सार्वजनिक बसका चालकले गाडीभित्रै बसेर आगो लगाएको घटना भएको छ। प्रहरीका अनुसार घटनाका बेला बसमा कुनै यात्रु थिएनन्।
आगलागी भएपछि दमकलको टोलीले घटनास्थलमा पुगेर आगो नियन्त्रणमा लिएको थियो। आगो लगाउने चालक दावा लामा घाइते भएका छन् र उनको उपचार भइरहेको प्रहरीले जनाएको छ।
घटना किन र के कारणले भयो भन्ने विषयमा प्रहरीले अनुसन्धान अघि बढाएको छ। घटनाबारे थप विवरण अनुसन्धानपछि खुल्ने प्रहरीले जनाएको छ।
