काठमाडौं – ट्रम्प प्रशासन इजरायलसँगको सुरक्षा सहकार्यलाई थप सुदृढ बनाउने उद्देश्यसहित दर्जनौं हवाई रिफ्युलिङ विमान पठाउने तयारीमा रहेको अन्तर्राष्ट्रिय सञ्चारमाध्यमहरूले जनाएका छन्। अमेरिका र इरानबीच बढ्दो तनावका बीच अमेरिकी सेनाले इरानका आणविक फ्यासिलिटी र ऊर्जा पूर्वाधारलाई लक्षित गर्न सकिने सम्भावित सैन्य विकल्पबारे समीक्षा गरिरहेको बताइएको छ।
इरानका आणविक फ्यासिलिटीमाथि आक्रमणको विकल्प
अमेरिकी सेनाले इरानका आणविक फ्यासिलिटी, ऊर्जा प्लान्ट तथा अन्य रणनीतिक संरचनालाई लक्षित गरी विभिन्न सैन्य विकल्पमाथि समीक्षा गरिरहेको बताइएको छ। यद्यपि यसबारे कुनै अन्तिम निर्णय भने सार्वजनिक गरिएको छैन।
नेतान्याहुको कडा चेतावनी
इजरायली प्रधानमन्त्री बेन्जामिन नेतान्याहुले इरानले आक्रमण गरे त्यसको जवाफ अघिल्लोभन्दा अझ शक्तिशाली हुने चेतावनी दिएका छन्। उनले इजरायल आफ्नो सुरक्षाका विषयमा कुनै सम्झौता नगर्ने स्पष्ट पारेका छन्।
मध्यपूर्वमा बढ्दो तनाव
मध्यपूर्वको सुरक्षा अवस्था आगामी दिनमा थप जटिल बन्न सक्ने विश्लेषण भइरहेका बेला अमेरिका, इजरायल र इरानबीचको घटनाक्रमलाई विश्व समुदायले नजिकबाट नियालिरहेको छ। कूटनीतिक प्रयास सफल हुन्छन् वा तनाव थप बढ्छ भन्ने विषय आगामी निर्णयहरूमा निर्भर रहनेछ। ट्रम्प प्रशासनले इजरायलमा थप रिफ्युलिङ विमान पठाउने तयारी ले भने मध्यपूर्वमा सुरक्षा र सामरिक गतिविधि थप तीव्र बन्न सक्ने संकेत दिएको विश्लेषकहरूले बताएका छन ।
सम्बन्धित समाचार:
👉 प्रधानमन्त्री बालेन शाहले उद्योगी–व्यवसायीसँग संवाद थाले
