पाँचथर । पाँचथरको कुम्मायक गाउँपालिका वडा नम्बर २ र ३ को सिमानामा पर्ने कात्तिके डाँडामा आज बिहान ठूलो सवारी दुर्घटना भएको छ।
ताप्लेजुङबाट इटहरी जाँदै गरेको बोलेरो गाडी दुर्घटनामा परेपछि ६ जनाको मृत्यु भएको छ भने ६ जना घाइते भएका छन्।
दुर्घटनामा मृत्यु र घाइते भएका व्यक्तिहरूको सनाखत हालसम्म हुन सकेको छैन। स्थानीय प्रहरी र उद्धार टोली दुर्घटनास्थलमा पुगेर उद्धारकार्यमा सक्रिय छन्।
घाइतेहरूलाई नजिकैको अस्पतालमा उपचारका लागि लगिएको छ। घटनाबारे थप विवरण आउँन बाँकी छ।
