काठमाडौं । नेपाली क्रिकेट इतिहासमा दिपेन्द्र सिंह ऐरी एकै ओभरमा ६ छक्का प्रहार गरेका छन् । एसिसी मेन्स प्रिमियर कपको दोस्रो खेलमा उनले कतारविरूद्ध एकै ओभरमा ६ छक्का प्रहार गरेका हुन्।
ओमानको अल अमिरत क्रिकेट ग्राउन्डमा नेपालले टस जितेर पहिले ब्याटिङ गरेको खेलमा ऐरीले अन्तिम ओभरको ६ वटै बलमा छक्का प्रहार गरेका हुन्।
कतारविरूद्ध एकै ओभरमा ६ छक्का हान्दा कामरन खान बलिङमा थिए। नेपाली क्रिकेट इतिहासमा एकै ओभरमा ६ छक्का हान्ने उनी पहिलो खेलाडी बनेका हुन्।
यसअघि ऐरीले मंगोलियाविरूद्धको खेलमा लगातार ६ छक्का हानेका थिए तर एकै ओभरमा थिएनन्।
उनको विस्फोटक ब्याटिङमा नेपालले कतारलाई ११२ रनको लक्ष्य दिएर बलिङ गरिरहेको छ।
