काठमाडौं । वैदेशिक रोजगारीका लागि सिंगापुर पठाउँछु भनेर ठगेको आरोपमा प्रहरीले एकजना युवतीलाई पक्राउ गरेको छ । उदयपुर घर भई टोखा नगरपालिका-१० बस्ने अन्जना राईलाई पक्राउ गरिएको हो ।
३६ वर्षीया राईले पीडितसँग ३ लाख ३६ हजार रकम ठगेको उपत्यका अपराध अनुसन्धान कार्यलयका एसपी काजीकुमार आचार्यले बताए । आरोपीलाई टोखास्थित सिंगापुर कोलोनीबाट पक्राउ गरेर कानूनी कारबाहीका लागि वैदेशिक रोजगार विभागमा पठाइएको एसपी आचार्यले जानकारी दिए ।
दुई जनाबाट रकम लिएर उनी सम्पर्क बिहिन भएकी थिइन् ।
