ललितपुर महानगरपालिकास्थित एकान्तकुनामा रहेको एक घर भाडामा लिएर अवैध कल सेन्टर चलाइरहेको खबर पाएपछि केन्द्रीय अनुसन्धान ब्युरो (सिआइबी) ले छापा मारेको बताएको छ । बुधबार सिआइबीको टोलीले कल सेन्टरबाट ५० जनालाई नियन्त्रणमा लिएको एसपी होबिन्द्र बोगटीले जानकारी दिए ।
५० जनामध्ये दुई जना चिनियाँ नागरिक र एक जना फिलिपिनो नागरिक रहेका छन् । अन्य व्यक्तिहरूको स्क्रिनिङ भइरहेको एसपी बोगटीले बताए । यस बारे प्रहरीले थप अनुसन्धान गरिरहेको जनाएको छ ।
