बीबीसीका अनुसार क्युबानजिक रुसी युद्धपोतको आगमनलाई रुसको शक्ति प्रदर्शनका रूपमा हेरिएको छ। युक्रेन युद्धका कारण पश्चिमी देश र रुसबीच तनाव बढिरहेको छ। अमेरिकी अधिकारीहरूले ती जहाजमा नजर राखेको बताएका छन् । तर, अमेरिकाले पनि यी जहाजले अमेरिकालाई तत्काल कुनै खतरा नरहेको बताएको छ।

क्यारेबियन देश क्युबा पुग्नुअघि यी जहाजहरूले एट्लान्टिक महासागरमा मिसाइल प्रहार गर्ने अभ्यास पनि गरेका थिए। यी जहाजहरूमा एक फ्रिगेट र एक आणविक सञ्चालित पनडुब्बी पनि समावेश छन् । क्युबा र रुसबीच बलियो द्विपक्षीय सम्बन्ध छ ।

ती जहाज आगामी पाँच दिनसम्म हवाना बन्दरगाहमा रहनेछ । यो बन्दरगाह फ्लोरिडाको अमेरिकी नौसेना एयर स्टेसनबाट मात्र १६० किलोमिटर टाढा छ ।