बमजनविरुद्ध सम्पत्ति शुद्धीकरण मुद्दा दायर

काठमाडौं । लिटिल बुद्धका नामले परिचीत तबस्वी रामबहादुर बमजनविरुद्ध सर्लाही जिल्ला अदालतमा सम्पत्ति शुद्धीकरणको मुद्दा दायर गरिएको छ ।

उनी विरुद्ध सोमबार मुद्दा दर्ता गरिएको हो । सम्पत्ति शुद्धीकरण अनुसन्धान विभागका महानिर्देशक सुमन दाहालका अनुसार बमजनविरुद्ध साढे ८ करोड रुपैयाँको बिगो दाबी गरिएको छ ।

काठमाडौँस्थित उनी बसेको घरमा खानतलासी गर्दा १६ देशको मुद्रासहित ३ करोड ३४ लाख बरामद भएको थियो । सोही रकमको आधारमा विभागले सम्पत्ति शुद्धीकरणको प्रक्रिया सुरु गरेको हो ।