नेकपा (माओवादी) नामक बिद्रोही समुहका महासचिव महावीर महेश चौधरी भनिने विश्वनाथ चौधरी चितवन प्रहरीको हिरासतमा

share 392

फाइल तस्बिर

काठमाडौं । काभ्रेको रोशी गाउँपालिका वडा नम्बर-५ नागबेलीमा रहेको बोधिचित्तको रुख काटेको आरोपमा पक्राउ परेका एक जनालाई पुर्पक्षको लागि थुनामा पठाइएको छ । जिल्ला अदालत काभ्रेका न्यायाधीश राजेन्द्र नेपालीले पक्राउ परेका सिजन भन्ने मानबहादुर तामाङलाई पुर्पक्षको लागि थुनामा पठाउन आदेश दिएको हो ।

यो आदेश जेठ २८ गते भएको थियो । प्रहरीले उनीसँगै धिरज भन्ने श्यामकृष्ण मैनाली र प्रभात भन्ने दुर्गालाल तामाङलाई पनि पक्राउ गरेको थियो । तर मैनाली र तामाङविरूद्ध हाललाई मुद्दा नचलाउने निर्णय सरकारी वकिलले गरेको थियो । योसँगै यसमा संलग्न अर्का एक जना पनि प्रहरीकै हिरासतमा छ ।

धर्मेन्द्र बास्तोला नेतृत्वको नेकपा बहुमतबाट अगल भएर नेकपा (माओवादी) नामक समुह गठन गरि उक्त समुहको महासचिव बनेका महावीर महेश चौधरी भनिने विश्वनाथ चौधरी हाल जिल्ला प्रहरी कार्यालय चितवनको हिरासतमा छ । आपराधिक उपद्रवसम्बन्धी कसुरमा उनी हिरासतमा छन् । अदालतले उनको बयान लिनका लागि समेत आदेश दिएको छ।

सरकारी वकिल कार्यालय काभ्रेले यस घटनामा चिनियाँ नागरिकसहित ८ जनाविरूद्ध अदालतमा मुद्दा दायर गरेको थियो। जसमध्ये दुई जनालाई मात्रै प्रहरीले पक्राउ गरेको हो। कवीन्द्र तामाङ, रामकृष्ण मैनाली, विजय हुमागाई, असल मोक्तान, अजय भन्ने रामजी श्रेष्ठ र चिनियाँ नागरिक याङ कैलिङ फरार छन् । उनीहरूविरूद्ध विष्‍फोटक पदार्थ, आपराधिक उपद्रव र संगठित अपराध कसुरमा मुद्दा दायर भएको हो। सरकारी वकिलले पीडितको क्षतिपूर्ति भराउन पनि मागदाबी गरेको थियो । कुल बिगो रकम ५४ करोड ९९ लाख ७९० रुपैयाँ क्षतिपूर्ति माग गरिएको थियो । जसमध्ये जाहेरवाला निरबहादुर तामाङ, जग्गाधनीहरू वीरबहादुर तामाङ, दिलबहादुर, ठक्कु, शेरबहादुर र धनबहादुरलाई दामासाही हिसाबले ५४ करोड ३ लाख रुपैयाँ क्षतिपूर्ति माग गरिएको हो ।

त्यस्तै बोधिचित्त खरिदकर्ता एवं जाहेरवाला समिप त्रिपाठीलाई ९६ लाख ७८० रुपैयाँ क्षतिपूर्तिको माग गरिएको छ । प्रहरीको अनुसन्धानबाट पक्राउ परेका मानबहादुरले शेरबहादुरलाई गेम इज ओभर भनेर मेसेज पठाएको देखिएको थियो । गत चैत ३० गते (रातको १ बजे) उक्त समूहले हातहतियार तथा विस्फोटक पदार्थ बोकेर रूख कटान गरेका थिए । समूहले रूख काटेपछि घर भित्र रहेकी चन्द्रमाया तामाङले उनीहरूले बोलेको कुरा सुनेको प्रहरीसमक्ष गरेको कागजमा उल्लेख छ । रूख कटान गरिसकेपछि घटनास्थलमा भएका व्यक्तिले ‘काम सकियो सिजनलाई जानकारी दिनू’ भनेको चन्द्रमायाले सुनेकी थिइन् ।

जाहेरवाला निरबहादुरले यसअघि मानबहादुरसँग पनि बोधिचित्तको व्यापार गरिसकेका थिए। मानबहादुरले दानाहरू उधारो माग्ने सम्झौता गरेका थिए । तर रकम नदिने भएपछि निरबहादुर लगायतले समिप त्रिपाठीलाई उक्त बोधिचित्तको दाना दिने सम्झौता गरेका थिए । ९० लाख रुपैयाँमा किनबेच गर्ने गरी गत वर्ष साउन १९ गते सम्झौता भएको थियो ।

बैना बापत उनले ५० लाख रुपैयाँ लिइसकेको थियो । त्यसरी नै उनले २०८२ देखि २०८६ सम्म ५ वर्षको लागि मौखिक सम्झौता गरेको थियो । त्यही नपाएको झोँकमा धम्की दिएका मानबहादुरले उक्त रूख काट्न लगाएको अनुसन्धानबाट खुलेको हो ।

नेकपा (माओवादी) नामक बिद्रोही समुहका महासचिव महावीर महेश चौधरी भनिने विश्वनाथ चौधरी चितवन प्रहरीको हिरासतमा

Related Post

जेनजीको नाममा धम्क्याउने शाहीसँग नेपाल प्रहरीको असई परिचयपत्र

जेनजीका नाममा कर्मचारी धम्क्याउँदै हिँड्ने अर्जुनबहादुर शाही पक्राउ

टिओबी टिसर्ट लगाएर पेस्तोल बोक्ने व्यक्ति प्रहरी नियन्त्रणमा

You missed

टुँडालदेवी भजन समूहको चौथो वार्षिक उत्सव सम्पन्न

ट्रकको ठक्करबाट इन्स्पेक्टर अभय लामाको मृत्यु, गृहमन्त्रीद्वारा अन्तिम श्रद्धाञ्जली

निजी विद्यालयको शुल्कमा कडाइ, अब फोनबाटै उजुरी गर्न सकिने

सर्वोच्च अदालत को आदेश: केपी शर्मा ओली र रमेश लेखक माथिको अनुसन्धान चैत २६ भित्र सक्न निर्देशन