share 487 काठमाडौं । प्रहरीले जुवा खेलिरहेको अवस्थामा दश लाख ११ हजार रुपैयाँसहित नौजनालाई पक्राउ गरी आज सार्वजनिक गरेको छ । पक्राउ पर्नेमा सिन्धुपाल्चोक घर भई हाल काठमाडौं महानगरपालिका-६ जोरपाटी बस्ने ४६ वर्षीय अशोक लामा, बूढानीलकण्ठ नगरपालिका-५ देउला टोल बस्ने २१ वर्षीय कवीर देउला, ताप्लेजुङ घर भई हाल काठमाडौंको टोखा नगरपालिका-५ बस्ने ३८ वर्षीय नारायण लाबुङ रहेको प्रहरीले जनाइएको छ । त्यसैगरी, काठमाडौं-१९ वसन्तपुर बस्ने २१ वर्षीय निलेश महर्जन, सोही ठाउँका ४५ वर्षीय राजेश श्रष्ठ, काठमाडौं-१५ डल्लु बस्ने ४८ वर्षीय दीपक महर्जन, बूढानीलकण्ठ-५ देउला बस्ने ३३ वर्षीया सरिता देउला, काठमाडौं-१३ कालीमाटी बस्ने ४८ वर्षीय विवेक महर्जन र काठमाडौं-१५ डल्लु बस्ने ५२ वर्षीय प्रकाश शाही पक्राउ परेका जिल्ला प्रहरी परिसर काठमाडौंका प्रवक्ता एवं प्रहरी उपरीक्षक नवराज अधिकारीले जानकारी दिए । उनले भने, “सोमबार राति काठमाडौं-४ चुनदेवीमा रहेको यमकुमारी आलेको साढे तीनतले घरको छतमा हारजित हुने गरी जुवा खेलाइरहेको भन्ने गोप्य सूचनाका आधारमा जिल्ला प्रहरी परिसर काठमाडौं र प्रहरी वृत्त महाराजगञ्जबाट खटिएको संयुक्त प्रहरी टोलीले पक्राउ गरेको हो ।” पोस्टको नेभिगेसन तनहुँ प्रहरीले स्रोत नखुलेको करिब १२ लाख नगदसहित दुई जना पक्राउ सहकारी ठगी प्रकरणमा रवि लामिछानेसहित २६ जनासँग बयान लिने तयारीमा संसदीय समिति
