दार्चुलामा जिप दुर्घटना हुँदा मृत्यु हुनेको संख्या ८ पुग्यो

दार्चुला । दार्चुलामा जिप दुर्घटना हुँदा मृत्यु हुनेको संख्या ८ पुगेको छ । शुक्रबारबिहान शैल्यशिखरनगरपालिका-६ मा मालिकार्जुन धामको मेलाबाट फर्किरहेका दर्शनार्थीहरू सवार जिप दुर्घटनामा परेको थियो ।

गोकुलेश्वर आउँदै गरेको करिब १२ जना सवार १ ज३३८ नम्वरको जिप सडकबाट तीन सय मिटर तल खस्दा ८ जनाको मृत्यु भएको जिल्ला प्रहरी कार्यालय दार्चुलाका डिएसपी प्रकाश दाहालले जानकारी दिए ।

दुर्घटनामा परी चार जना घाइते भएका छन् । उनीहरूको गोकुलेश्वर अस्पतालमा उपचार भइरहेको डिएसपी दाहालले जानकारी दिए । उनले भने, ‘अहिलेसम्म जिपमा सवार १२ जना रहेको खुलेको छ । चालकको अवस्थामा पनि गंम्भिर छ, घटनाबारे बाँकी बुझ्ने काम भइरहेको छ।’