नवनियुक्त मन्त्री दीपक मनाङ्गे भन्छन् 'यहि तालले २० चोटि पनि खानुपर्ने हुन्छ'

share 283

काठमाडौं । गण्डकी प्रदेशका नवनियुक्त भौतिक पूर्वाधार विकास तथा यातायात व्यवस्था मन्त्री राजिब गुरूङ उर्फ दीपक मनाङे ले कार्यभार सम्हालेको छ ।

मुख्यमन्त्री सुरेन्द्रराज पाण्डेको सिफारिसमा प्रदेश प्रमुख डिल्लीराज भट्टले मंगलबार स्वतन्त्र सांसद मनाङे र नेकपा (माओवादी केन्द्र) को चुनाव चिह्न लिएर निर्वाचित नेपाल समाजवादी पार्टीका सांसद फणिन्द्र देवकोटालाई ऊर्जा मन्त्रीमा नियुक्त गरेको थियो । उनीहरूले सोमबार नै शपथ लिएर कार्यभार सम्हालेका छन्।

कार्यभार सम्हाल्दै मन्त्री मनाङेले प्रदेश सभामा आफ्नो गतिविधि र भूमिकालाई लिएर गरिएका विभिन्न टिप्पणीप्रति लक्षित गर्दै जबाफसमेत दिएको थियो । मनाङे जसको नेतृत्वमा सरकार बन्छ उतैतिर ढल्कने गरेको छ म यसअघि उनी एमालेका खगराज अधिकारी नेतृत्वको सरकारमा भौतिक पूर्वाधार मन्त्री नै थिए ।

त्यो सरकार ढलेपछि नेपाली कांग्रेसका पाण्डे नेतृत्वको सरकारमा पनि मंगलबारदेखि उनी सहभागी भएको छ । सोमबार मुख्यमन्त्री पाण्डेलाई स्वतन्त्र सांसद मनाङेले पनि विश्वास मत दिएका थिए। कांग्रेसका २७, राप्रपाका २, मनाङे र देवकोटासहित गरीी ३१ सांसदको समर्थनमा मुख्यमन्त्री पाण्डेले विश्वास मत पाएको थियो । राप्रपा भने तत्काल सरकारमा सहभागी नहुने भएको छ।

मन्त्री मनाङेले कार्यभार सम्हाल्दै यस्तै अवस्था रहने हो भने २० पटकसम्म पनि मन्त्री हुन सकिने बताए। ‘विश्वास मत माग्दै कांग्रेस सभापति (शेरबहादुर देउवा) ले सबैलाई पत्र पठाएको थियो, मलाई पनि पत्र आएको थियो,’ मनाङेले कार्यभार सम्हाल्दै पत्रकारहरूसँग भने, ‘मान्छेले ६ चोटि भन्छन्, यस्तै तालले गयो भने २० चोटि पनि मन्त्री खानुपर्ने हुन्छ, त्यो हाम्रो बाध्यता हो।’ आफूले आफ्नो ठाउँ (मनाङ) लाई हेरेर त्यहाँ विकास गर्नका लागि मन्त्री भएको दाबी पनि उनले गरेका थिए।

‘यदि मेरो जिल्ला राम्रो बनिसकेपछि मलाई यो मन्त्रालय पनि चाहिँदैन,’ मन्त्री मनाङेले भने, ‘यो मन्त्रालयमा मान्छेको अपेक्षा उच्च छ। बाटो सबै ढलान गर्न थाल्यो। कास्कीमा साइकलिङ र हाइकिङ गर्ने मेरो योजना थियो। तर जति वडामा गए नि! त्यहाँ आधा ढलान गरिसकेको छ, त्यहाँ अब बाटो बन्दैन पनि भनेको छु।’

मनाङे २०७४ र २०७९ मा मनाङको प्रदेश सभा क्षेत्रबाट निर्वाचित भएका थिए। २०७४ मा स्वतन्त्र सांसद भएका उनी दुई वर्षपछि नेकपा प्रवेश गर्दै खेलकुद मन्त्रीसमेत बनेका थिए ।

नवनियुक्त मन्त्री दीपक मनाङ्गे भन्छन् ‘यहि तालले २० चोटि पनि खानुपर्ने हुन्छ’

Related Post

सभामुख पदका लागि डीपी अर्यालको उम्मेदवारी दर्ता

विप्लव नेतृत्वको नेकपा समाजवादी मोर्चाबाट अलग

मधेसवादी दलसँग सहकार्य गरेर चुनावी जाने प्रचण्डको रणनीति

You missed

टुँडालदेवी भजन समूहको चौथो वार्षिक उत्सव सम्पन्न

ट्रकको ठक्करबाट इन्स्पेक्टर अभय लामाको मृत्यु, गृहमन्त्रीद्वारा अन्तिम श्रद्धाञ्जली

निजी विद्यालयको शुल्कमा कडाइ, अब फोनबाटै उजुरी गर्न सकिने

सर्वोच्च अदालत को आदेश: केपी शर्मा ओली र रमेश लेखक माथिको अनुसन्धान चैत २६ भित्र सक्न निर्देशन