भयानक लडाइँ चाँडै समाप्त हुने नेतान्याहुको प्रतिक्रिया

रफाह । इजरायली प्रधानमन्त्री बेन्जामिन नेतन्याहुले दक्षिणी गाजाको रफाह सहरमा जारी आक्रमण छिटै समाप्त हुने बताएको छ । रफाहको भयङ्कर लडाई अन्तिम चरणमा रहेको र लगभग समाप्त हुन लागेको उनले बताए । तर यसको मतलब युद्धै समाप्त भयो भन्ने चाहिँ नभएको उनको भनाइ छ ।

हमासलाई सत्ताबाट नहटाएसम्म युद्ध जारी रहने नेतान्याहुले बताएको हो । हिजबुल्लाहबाट बढ्दो आक्रमणको बिचमा नेतान्याहुको यो अभिव्यक्ति आएको हो । छिट्टै इजरायली सेना लेबनानी सीमामा आफ्नो सेना पठाउन सक्षम हुने पनि उनले बताएको छ । हमासको सट्टामा वेस्ट बैंकस्थित प्यालेस्टिनी प्राधिकरणलाई गाजामा प्रशासन सञ्चालन गर्न दिने विचारलाई नेतन्याहुले फेरि पनि अस्वीकार गरेको छ ।