share 259 काठमाडौं । विदेशबाट रेमिट्यान्स पठाउदा अवैध च्यानलबाट नपठाउन प्रहरीले आग्रह गरेको छ । जापान, दक्षिण कोरिया र बेलायत जस्ता मुलुकहरुबाट यूएसडिटी मार्फत पठाएको रेमिट्यान्स अन्य मुलुकमा पुग्ने गरेको र सो रकम सुन तस्करीमा लगानी हुने गरेको भन्दै सीआईबीले वैधानिक माध्यमबाट मात्र रकम पठाउन आग्रह गरेको छ । अवैध तरिकाबाट रकम पठाउँदा नेपालमा गैरकानुनी रकम आफन्तको खातामा जम्मा हुने गरेको भेटिएको सीआईबीका एसपी होविन्द्र बोगटीले बताए । उनले भने,‘गैर कानुनी रकम खातामा आउँदा खातावाल पनि कानुनी दायरामा आउँछन्, त्यसैले सावधानी अपनाउन आग्रह गरेका छौँ ।’ विदेशमा बस्नेहरूले पठाएको रकम अवैध तरिकाले खातामा जम्मा हुँदा रेमिट स्वीकार गर्नेहरू पनि पन्छिन नपाइने कानुनी व्यवस्था छ । पछिल्लो समय ‘पे’ वेल र सजिलो ‘पे’बाट सुन तस्करीको रकम कारोबार भएको भेटिएको छ । पोस्टको नेभिगेसन उपप्रधानमन्त्री सिंह र तीनवटै सुरक्षा निकायका प्रमुखको शिष्टाचार भेट २९ कर्मचारीलाई सात दिनभित्र सम्पर्कमा आउन प्रहरी प्रधान कार्यालय नक्सालको निर्देशन
